Serokkomarê Rûsiyê: Têkiliyên dualî di navbera Moskova û Tehranê stratejîk in
Serokkomarê Rûsiyê têkiliyên dualî yên di navbera Moskova-Tehranê stratejîk di halê pêşketinê de bi nav kir.
Vladimîr Pûtîn Serokkomarê Rûsiyê di hevdîtina li gel Elî Ekber Ehmediyan Sekreterê Konseya Bilind a Ewlehiya Neteweyî ya Îranê li kêleka civîna rayedarên payebilind ên ewlehiyê yên welatên endamên BRICSê li SEn Petersburgê bal kişand ser peywendiyên ber bi pêş ên Îran û Rûsiyê di hemî waran de û got: Îradeya xurt a Têhran û Moskovê ser bingeha kûrtirkirin û berfirehkirina hevkariyê ye û bi saya hewlên rêberê Îranê peywendiyên her du welatandi halê berfirehkirinê ne.
Serokomarê Rûsiyê bal kişand ser danûstendinên Îran û Rûsiyê li warên aborî, zanist û teknolojiyê, nift û enerjiyê, transport û hevkariyên aştiyane yên navokî û destnîşan kir: Her du welatan di warê hevkariyên dualî û beernameyên mîna wek BRICS, Şanghay û Yekîtiya Ûrasisyayê hevkariyên berfireh hene
Serokomarê Rûsiyê pêşxistina Korîdora Bakur-Başûr ji projeyên girîng ên Rûsya û Îranê nirxand û got: Moskova dixweze di warên curbicur de bi Têhranê re hevkariyê bike û çavlirêyê sefera Serokkomarê Îranê Pizişkiyan bo Moskovê û wajokirina rêketinên stratejîk e.
Ehmediyan jî li vê hevdîtinê got: Stratejiya pêşxistina peywendiyên dualî yên Komara Îslamî ya Îranê û Rûsiyê dê berdewam be.
