Wezareta Îtila'atê ya Îranê bi daxuyaniyekê hûrgiliyên zêdetir derbarê cinayeta terorîstî li Şîrazê ragihandin.

Wezareta Îtila'atê ya Îranê bi daxuyaniyekê ragihand, gişt şopandin, lêkolîn û operasiyonên pêkhatî heta niha bûn sebeba naskirin û girtina hemî sebebkarên rêvebirin, operasiyon û piştevaniya ji kiryara terorîstî ya Şîrazê.

Ev daxuyanî her wiha dibêje, hejmareke din a kesên ku ji bo operasiyoneke wek vê operasiyonê derbasî Îranê bûbûn jî hatin girtin; bi vî awayî heta niha 26 terorîstên tekfîrî hatine girtin ku tevahiya kesên girtî ne-îranî ne û hemwelatiyên Komara Azerbaycanê, Tacîkistan û Efxanistanê ne.

Di vê daxuyaniyê da hatiye, ev terorîst li parêzgehên Faris, Tehran, Elborz, Kirman, Qum û Xorasana Rezewî hatine şopandin û girtin; hejmareke wan jî li sînorên rojhilat û dema revîna jiÎranê hatine girtin.

Roja 26ê Cotmehê ji ber êrîşa terorîstî ya DAIŞê li ser Şahçiraxê, tirba paqij a Hezretê Ehmed ibni Mûsa (S) li bajarê Şîraza Îranê 13 kes ji wan 2 zarok şehîd û 30 ziyaretker jî birîndar bûn.