Qalîbaf: Cinayeta li Şîrazê îspat kir ku dijmin, çav li riya parçekirina welat in
Serokê Meclisa Îslamî ya Îranê li bara êrişa terorîstî ya ser Şahçiraxê tekez kir: Vê tawanê îsbat kir ku dijmin ji bo perçekirina welat xwe amade kirine.
Roja Çarşema heftiya borî (26ê Cotmehê) terorîstekî çekdar li bajarê Şîrazê derbasî nav mezargeha pîroz a Şahçirax bû û gulle berda ser ziyaretkeran û di vê êrişa terorîstî de 13 kes şehîd kirin û 30 kes jî birîndar kirin.
“Mihemed Baqir Qalîbaf” Serokê Meclisa Şêwra Îslamî ya Îranê, îro yekşemê, di destpêka rûniştina eşkera ya meclisê de, hevxemiya xwe ji bo kesûkarên şehîdan û gelê Îranê ji ber cinayeta terorîstî ya li mezargeha Şahçiraxa Şîrazê ragihand.
Li gorî rapora IRNA`yê, "Qalîbaf" got: Çawa ku rêberê giranqedr ê Inqilaba Islamî got, li bara eslê van tawanan tedbîrên bibiryar pêwîst in.
Serokê Meclisa Şêwra Îslamî ya Îranê got: Vê cinayetê îspat kir ku dijmin ji bo perçekirina welat li bendê ne, vê cinayetê ji gişkan re nîşan da ku dijmin hewl dide ewlehiya welêt têk bibe.
