SAHAR

Ayetullah Seyd Îbrahîm Reîsî, Serokê Komara Îslamî ya Îranê, destnîşan kir ku biryara dawî ya lihevkirina navokî li ser milê Amerîkayê ye û destnîşan kir: Em rijd in ku bi awayekî xurt mafên Îranê û gelê wê biparêzin.

Li gorî rapora IRNA`yê, Ayetullah Reîsî pêncşemê şev li gotûbêja bi kanala nûçeyan a El Cezîre ya Qeterê got: Rakirina dorpêçên ser Îranê divê bi bidestxistina garantiyan re bibe û ji bo pêşdebirina muzakireyên navokî divê mijarên Peymanaq Çavdîrî û Parastinê bên çareserkirin.

Serokomarê Îranê got: Beriya ku welatên rojava ji me daxwaza rawestandina çalakiyên navokî bike, divê vî karî ji Rejîma Siyonîst a ku xwediyê çekên komkujî ye bixwaze.

Ayetullah Reîsî bal kişand ser vê yekê ku em rijd in li ser parastina mafên Îranê û gelê wê, derbarê hitmala muzakireya rasterast bi Amerîkayê re jî her wiha got: " danûstandina rasterast bi Amerîkayê re li ser rêketinama navokî ti feydeya xwe tine û divê Amerîka tedbîrên pêbaweriyê bi aliyê Îranê re bigire."

Serokomarê Îranê di dewama axaftina xwe de li ser dorpêçên nû yên ku Amerîkayê li ser Îranê sepandine got: Eger Waşîngton lihevkirinê bixwaze; Çima di dema danûstandinên navokî de boykotên nû ferz dike?

Ayetullah Reîsî di berdewamiya axaftinên xwe de behsa danûstandinên Tehran û Riyazê kir û got: Danûstandin bi Erebistana Siûdî re berdewam e û me 5 gerên gotûbêjê pêk anîne û dê berdewam bin.

Serokomarê Îranê li bara hebûna hêzên biyanî li navçê jî got: heger hêzên biyanî destêwerdanê nekin, pirsgirêkên navçê çareser dibin.

Ayetullah Reîsî di berdewamiya axaftina xwe de li ser pêşhatên Iraqê jî got: Em kêfxweş dibin ku hikûmetek bihêz li Iraqê bibînin û êdî Iraqî rê nedin hebûna Amerîkiyan.

Serokomarê Îranê got: Welatên Ewropayê derbarê krîza Iraqê de pêwendî bi me re kirin û me ji wan re got ku ev mijar îraqiyan eleqedar dike.

Ayetullah Reîsî behsa mijara Yemenê jî kir û dû re wiha li axavtina xwe zêde kir: “Ji bo pêkanîna agirbesteke herdemî û pêşdebirina muzakereyan divê dorpêça li ser Yemenê were rakirin.