Iraqçî: Divê hemî ceza werin rakirin
Alîkarê Siyasî yê Wezîrê Karên Derve yê Komara Îslamî ya Îranê şeva Sêşemiyê, piştî bidawîhatina civîna Komîsyona Hevbeş a Rêkeftina Navokî li Viyenayê, li ser rakirina hemî sizayên Amerîkayê dijî Îranê tekez kir.
Alîkarê Siyasî yê Wezîrê Karên Derve yê Komara Îslamî ya Îranê seyd Ebas Iraqçî li gotûbêja bi Press TV re got: Hemî cezayên ku piştî sepandina Rêkeftina Navokî hatine sepandin; Divê hem yên di dema Obama û hem jî yên di dema Trump de bêne betal kirin.
Iraqçî derbarê sizayên bi navê "Katsa" de, jî got: "Îran di rakirina hemî sizayan de, di nav de Katsa, israrê dike."
Alîkarê Siyasî yê Wezîrê Karên Derve yê Komara Îslamî ya Îranê derbarê ku Amerîka divê gava yekem rake destnîşan kir ku helwesta Îranê neguheriye; Pêdivî ye ku Amerîka berî her tiştî divê hemî cezayan rake û Îran dê wê demê vegere ser sozên xwe ku rakirina cezayan ji aliyê Amerîkayê ve piştrast bibe.
Iraqçî têkildarî komxebatê ya sêyemîn a Komîsyona Hevpar, ku ji roja Çarşemê li Viyena dest bi kar dike û berê wekî Komxebatê ya Rêzkirinan dihat zanîn, got ku komîsyon dê li ser rêkeftinên pratîkî bisekine.
