Rûhanî: Cumhûriyet, Hilbijartin û dengên gel, bingehên parastina pergala Komara Îslamî ne
Serokê Komara Îslamî ya Îranê Komarîbûn, Hilbijartin û dengên gel wek bingehên parastina pergala Komara Îslamî ya Îranê da zanîn.
Li gorî rapora IRAN Pressê, Hesen Rûhanî, Serokê Komara Îslamî ya Îranê roja Duşemiyê di civîna Mafên Bingehîn û Welatîbûnê tevî raçavkirina pêvajoya pesendkirina Qanûna Bingehîn, eşaret bi mijara pêgiriya hezretê Îmam Xumeynî (Re) li ser "Komara Îslêamî" kir û got: Bingeha hikûmeta Komara Îslamî dengên gel e.
Rûhanî tevî pêgiriya li ser vê yekê ku Qanûna Bingehîn a Komara Îslamî ya Îranê di asta cîhanê da berbiçav e û em dikarin şanaziyê pê bikin, got: Di qanûna bingehîn a Îranê da bi taybet di beşên têkildarî mafên gel, qanûn û xalên ron û nûjen hene ku em dikarin li cîhanêl wek qanûneke bingehîn a nûjen bidin nasandin.
Serokê Komara Îslamî ya Îranê her wiha tevî amajeya bi girîngiya mijara mafên welatîbûnê, got: Bingeha rêziknameya Mafên Welatîbûnê Xala 134an a Qanûna Bingehîn a Komara Îslamî ya Îranê ye ku têda, mafên gel û berpirsên cihêner ên welêt bi awayekî ron hatine.
Rûhanî got: Divê hemî partî û bere azad bin da ku heke dixwazin berendamên xwe bidin nasnadin, bikarin bên meyddanê û ev yek ji mafên bingehîn û girîng ên gel e ku nikare neyê berçavgirtin.
Serokê Komara Îslamî ya Îranê di dewamê da tevî eşareta bi xebatên dewletê jibo hilberîna ji meydanên hevpar ên neft û gazê û serketina di Dîwana Navneteweyî ya Dadweriyê wek mînakên serêxwegirtina Mafên Neteweyî, got: Dewleta Îranê hewil da ku mafên gel di warê perwerdehî, Tendurustî û hewcetiyên pêwîst ên jiyanê, bên parastin û wergirtin.
Her wiha di vê rêûrismê da, 10 pirtûk di warê mafên bingehîn û welatîbûnê hatin nimandin û pûla Qanûna Bingehîn ji aliyê Serokê Komara Îslamî ya Îranê va hat morkirin.
