Reîsî: Xiyaneta Îmaretê li doza Filistînê bê bersiv namîne
Serokê Dezgeha Dadweriya Komara Îslamî ya Îranê lihevkirina Îmarat û Rejîma Siyonîstî ji bo asayîkirina pêwendiyan di encama xapîna îmaratiyan da zanîn û got: Xiyaneta Îmaretê li doza Filistînê bê bersiv namîne.
Serokê Dezgeha Dadweriya Komara Îslamî ya Îranê seyd Îbrahîm Reîsî îro lihevkirina Ebûsebî û Telavîvê xiyanetkarane da zanîn û hakimên Îmaratî hişyar kirin ku çav li riya berteka tund a gelê şerîf ê Îmaratê û welatên din bimînin.
Reîsî got: Xiyaneta hakimên Îmaratê nayê bexşandin û bi derbasbûna dem û gavan jî paqij nabe û hevrêtî û hevkariya Îmaratê bi rejîma zarokkuj û desdirêjkar a Îsraîlê qet li ber çavên gelên azad ên cîhanê nayê veşartin û qet ji bîra wan naçe.
Serokê Dezgeha Dadweriya Komara Îslamî ya Îranê rawestan û berxwedan stratejîyeke bi bandor da zanîn û got: Şeref û îqtidara Komara Îslamî ya Îranê bi saya stratejiya berxwedanê bi dest ketiye û her netewek ku ev stratejî hebe, jiyaneke bi şeref, bi şanazî û bi hêz wê hebe.
Îmarat û Rejîma Siyonîstî bi saya navbeynkariya serokomarê Amerîkayê Donald Trump roja pêncşemê rêketinnama asayîkirina pêwendiyên navbera xwe îmza kirin ku ev yek rastî nerizamendiyên berfire li cîhanê hat û gelek welat û kesayetiyên cîhanê ev kiryara Îmaretê wek xiyaneta li doza Filistînê dan zanîn û ew şermezar kirin.
