Sibat 26, 2020 07:53 Asia/Tehran
  • Hevserokên nû yên PYDê hatin kivşkirinê

Di kongreya Partiya Yekîtiya Demokratîk (PYD) de Enwer Muslim û Eyşe Hiso weke hevserokên nû yên wê partiyê hatin hilbijartin.

8'emîn Kongreya PYD bi dirûşma “Bi yekitiya demokratîk em dê dagirkeriyê têk bibin, Rêveberiya Xweser bi pêş bixin û Sûriyeke demokratîk ava bikin" li salona Çand û Hunerê ya Aram Tîgran a bajarokê Rimêlanê heta duh hat domandinê.

Di kongreyê de ku 600 delegeyên partiyê amade bûn Enwer Muslim û Eyşe Hiso weke hevserokên nû yên wê partiyê hatin hilbijartin.

Enwer Muslim di sala 1976an de li bajarê Kobanî jidayîk bûye û li bajarê Helebê beşa hiqûqê qedandiye û di sala 2005an de, xwe di Sendîkeya Parêzeran a Helebê de tomar kir û beşdarî xebatên mafên mirovan bûye.

Enwer Muslim berê Serokê Meclisa Rêveber a herêma Kobanîyê bû. 

Eyşe Hiso jî di 7ê Gulana 1978an de li gundê Şêx Xurzê yê girêdayî navçeya Bilbilê ya Efrînê ji dayîk bûye. 

Eyşe Hiso destpêkê tevlî PYDê bû û piştre xebatên xwe di Tevgera Civaka Demokratîk de domandin. 

Nêrîn