Êrişên Erebistanê ser Yemenê didomin, 2 balafirên sîxorîyê yên Amerîk û Erebistanê hatin jordaxistinê
Di encama êrişa balafirên cengê yên Erebistanê ser parêzgeha Seide ya Yemenê de 4 sivîl birîndar bûn.
Ligorî rapora televîzyona Al Masîrê, balafirên cengê yên Erebistanê îro mala welatîyekî yemenî li taxa Al Eşê li devera Al Baqimê ser bi parêzgeha Seidê dan ber bombeyan.
Balafirên cengê yên Erebistanê herwiha êrişî kempa Al Ferîce li devera Erheb li bakura Sena paytexta Yemenê kirin ku derbarê kuştî û birîndarên ihtimalî yên wê êrişê tu nûçeyek nehatîye belavkirinê.
Berdevkê Hêzên Çekdar ê Yemenê jî ragihand ku baslafireke bêfirokevan a sîxorîyê ya Amerîkayê li nêzîkî Esîrê hat jordaxistinê.
Berdevkê Hêzên Çekdar ê Yemenê Yehya Serî li Twitterê nivîsî: Hêzên yemenî vê sibê karîn balafireke bêfirokevan a sîxorîyê ya Amerîkayê ji cura ScanEagle li nêzîkî Esîrê li sînorê Yemenê û başûra Erebistanê jorda bixin.
Ligorî gotina Berdevkê Hêzên Çekdar ê Yemenê ew balafira li deverên sînorê yên Yemenê û Erebistanê mijûlê sîxorîyê bû.
Wî herwiha got ku şeva buhurî jî balafireke sîxorî-êrişkirinê ya Hevalbendîya seûdî li rojavaya Yemenê hat jordaxistinê.
