Erdogan gazî kir, Nêçîrvan Barzanî wê li merasima sondxwarinê ya wî pişkdarîyê bike
Serokwezîrê Herêma Kurdistana Iraqê Nêçîrvan Barzanî li ser vexwendina fermî ya serokomarê Tirkiyê Receb Teyîb Erdogan dê sibê here Tirkiyê. Barzanî wê di merasîma sondxwarina Erdogan de amade be.
Serokwezîrê Herêma Kurdistana Iraqê Nêçîrvan Barzanî wê li merasîma sondxwarina yasayî ya serokomarê Tirkiyê Receb Teyîb Erdogan de pişkdar bibe.
Serokomariya Tirkiyê dawetnameyeke fermî ji serokwezîrê Herêma Kurdistana Iraqê Nêçîrvan Barzanî re şandiye da ku sibê digel 38 serokên dewlet û serokwezîrên cîhanê beşdarî merasîma sondxwarina yasayî ya Receb Teyîb Erdogan bibe.
Biryar e sibe duşemê (09.07.2018) Erdogan weke serokomarê Tirkiyê sonda yasayî bixwe û kabîneya xwe ya wezîran ragihîne û paşê dê navê wezîr û alîkarên serokomar eşkere bike.
Nêçîrvan Barzanî roja 2`yê Tîrmehê di peywendiyeke telefonî de pîrozbahî li serokomarê Tirkiyê Erdogan kiribû û di wê peywendiyê de Barzanî û Erdogan têkildarî peywendîyên her du alîyan gotûbêj kiribûn.
Nêçîrvan Barzanî roja Çarşemê jî di civîneke çapemeniyê de ragihandibû, ku ew dê di demeke guncav de serdana Enqerê bike.
