Parlimanterekî kurd ê Iraqê: Şikayetên Şîrketa Danagazê yê Herêma Kurdistana Iraqê wêran bikin
Endamekî Fraksyona Tevgera Gorranê li parlimana Herêma Kurdistana Iraqê got: Şîrketa Danagazê dil heye dozeke 26.5 milyard dolarî dijî Herêma Kurdistanê veke û heke ew doza bigihêje encamê, Herêma Kurdistanê yê wêran bibe.
Li gorî rapora ajansa nûçan a Kurdpress`ê, Şîrketa Danagaz a Imaratê (Mîrîtîyên Yekgirtî yên Ereb) ji dadgehekê li Waşîngtona Amerîkayê xwestîye hikmê dadgeha navnetewî ya Londonê li bara vîya ku divê Herêma Kurdistana Iraqê milyardek û 963 milyon û 370 hezar û 320 dolarî bide vê şîrketê piştrast bike.
Di vî warî da Elî Mihemed Salih endamê Fraksyona Tevgera Gorranê li parlimana Herêma Kurdistana Iraqê ragihand: Danagazê dil heye di meha Îlonê da dozeke din bi bihaya 26.5 milyard dolarî dijî Herêma Kurdistanê veke.
Wî herwiha got: Partîya Dêmokirat a Kurdistanê (PDK) biqest pêşîya projeyên şîrketa Danagazê yên derxistina gazê li Çemçemal û Germîyanê digire û berpirsên Yêketîya Niştîmanî ya Kurdistanê (YNK) jî bi hegera berjewendîyên şexsî di vî warî da bêdeng mane.
Elî Mihemed Salih pêkutî kir: Heke Şîrketa Danagazê vê dosîyê bigihîne encamê, yê Herêma Kurdistanê kavil bike.
