Serokomarê Tirkiyê tekezî li ser hewlên zêdekirina nirxê diravê neteweyî yê welatê xwe (lîre) li hember diravên biyanî kir.

Li gorî rapora malpera nûçeyan a TRT`ê, Receb Teyib Erdogan roja îniyê amaje bi zêdebûna nirxa lîreyê li hember diravên biyanî piştî cîbicîkirina plana piştevaniya ji depoyên bankî kir û ji gelê Tirkiyê xwest ku baweriya xwe bi diravê neteweyî bînin.

Serokomarê Tirkiyê got ku armanca hikûmetê ew e ku razberên bank û xwediyên pîşesazî ji guharîna nirxê danûstendinê ziyanê nekin û krediya lîreyê zêde bibe.

Erdogan her wiha bang li hemû dikanên zincîreyî û supermarketan kir ku buhayê kelûpelan vegerînin buhayên berê û soz da ku bi gavên Banka Navendî ya Tirkiyê dê enflasyonê kêm bibe.

Li Tirkiyê daketina nirxê lîreyê tirkî (ji serê salê ji % 46 zêdetir) û kêmbûna faîzê û enflasyona bilind li nav veberhêneran de bûye sedema nîgeraniyê.