Berdevkê hikumeta Yewnanistanê Stelios Petsas diyar kir ku keştiya vekolînkirina gaza xwezayî ya dewleta Tirkiyê duh ji Deryaya Spî derket û vegeriya keştîgeha Antalyayê ya Tirkiyê.

Berdevkê hikumeta Yewnanistanê Petsas ji Sky Newsê re ragihand ku paşdekişandina keştiya Oruç Reîs, nîşaneyeke pozîtîf e.  

Piştî arîşeyeke demdirêj di navbera dewleta Tirkiyê û Yewnanistanê de ku hişt Yekitiya Ewropayê û di serî de Fransa destwerdana aloziyê bikin û gefan li dewleta Tirkiyê bixwin, dewleta Tirkiyê keştiya xwe ji Deryaya Spî vekişand.