Li Êlihê (Batman) her roj zêdetirî 130 kes bi şewbê dikevin. Serokê Odeya Pizişkan Selahattîn Ogûz, anî ziman ku piştî pêvajoya asayîbûnê dest pê kiriye hejmara pêketiyan hezar û 700 derbas kiriye.

Li gorî rapora ajansa Mezopotamyayê, Piştî pêvajoya asayîbûnê dest pê kir, li Êlihê her diçe hejmara kesên bi şewba vîrûsa Koronayê (Covîd-19) dikevin zêde dibe. Ji 1'ê Hezîranê ve li bajêr hejmara pêketiyan zêde dibe û niha rojê zêdetirî 130 kes bi şewbê dikevin. Serokê Odeya Pizişkan a Êlihê Selahattîn Ogûz, anî ziman ku piştî pêvajoya asayîbûnê li bajêr hejmara pêketiyan zêde bûye. Ogûz, destnîşan kir ku ji destpêka pêvajoya pandemiyê heya niha rêgeza şefaftiyê esas nehatiye girtin û ji bo tenduristiya civakê xwest rojek berî rojekê rêgeza şefaftiyê esas bê girtin.