Li Tirkiyê 18 kesên din bi vîrusa Koronayê mirin û nêzîkî 1600 kesên din jî pê ketin.

Wezareta tenduristiya Tirkiyê ragihand, di heyama 24 saetên borî de 1592 kes li Tirkiyê bi Koronayê ketine û hejmara giştî ya pêketiyan gihîştiye 179 hezar û 831 kesan.

Li gorî amarên wezareta tenduristiya Tirkiyê, ji duhî de 18 kes jî li wî welatî bi Koronayê mirine û hejmara miriyên Koronayê gihîştiye 4 hezar û 825 kesan.

Li Tirkiyê hejmara nexweşên Koronayê yên ku baş bûne jî gihîştiye 152 hezar û 364 kesan. Rewşa 722 nexweşan jî baş nîne.