Li Amedê di encama operasyonekê de 22 kes bi tohmeta endamtiya PKKê hatin desteserkirin.

Li gorî ajansa fermî ya hikûmeta Tirkiyê, duh di çarçoveya lêpirsîneke Serdozgeriya Komarî ya Amedê de li 2 bajaran operasyoneke berfireh hat kirin.

Di çarçoveya wê operasyonê de, hêzên ewlekariyê yên Tirkiyê bi ser 36 mal û avahiyan de girtin û 22 kes bi tohmeta ku karûbarên birêvebirin û rêkxistina girtiyên KCKê kirine, hatine desteserkirin.

Ev di demekêd de ye ku duh jî li navçeya Nisêbînê ya parêzgeha Mêrdînê, polîsan di saetên sibehê de, bi ser gelek malan de girtibûn û 5 kes desteser kiribûn.

Herwiha li navçeya Pirsûsê ya Rihayê jî bi hinceta ku îfade di derbarê wan de hene, 6 kes ji aliyê hêzên ewlehiyê yên Tirkiyê ve hatibûn desteserkirin.