Serokomarê Tikrkîyê ji ber belavbûna vîrûsa Koronayê ferman da ku hemî curên civîn û kombûnên li vî welatî bên paşdaxistinê.

Ligorî rapora Ajansa Nûçan a Anadoluyê, Serokomarê Tirkîyê Receb teyîb Erdogan di fermanekê de ragihand, hemî civîn û çalakîyên zanistî, çandî, hunerî û yên warên din ên di cihên sergirtî û vekirî de heta dawîya Nîsanê hatine paşxistinê.

Muherrem Kasapoglu Wezîrê Werzişê yê Tirkîyê jî berî vîya ragihandibû ku hemî pêşbirkên Futbol, Baskitbol, Volîbol û Hendbolê jibo girtina pêşîya belavbûna vîrûsa Koronayê hatine paşdaxistinê.

Ligorî gotina Fexredîn Koca Wezîrê Tenduristîyê yê Tirkîyê hejmara candayîyên ji ber vîrûsa Koronayê li wî welatî giheşte 4 kesan.

Wezîrê Karên Navxwe yê Tirkîyê Silêman Soylu jî ragihand ku heta vê gavê 9 hezar û 800 kes li vî welatî xistine qerentînê de.