Piştî kuştin û şehadeta oldarekî Şîe yê navdar li derdora Humsê, nerazî xwepêşandan li dar xistin û daxwaza hesabpirsîn û darizandina sûcdarên vê cinayetê kirin.

Rêxistina Çavdêra Mafên Mirovan a Sûriyê ragihand ku li gundê Mezrie yê li dorhêla Humsê, ji bo protestokirina kuştina Şêx Resûl Şehûd, oldarekî şîe, êvarekê xwenîşandanek hatiye lidarxistin. Bi lidarxistina xwenîşandanê, niştecihên vî gundî hêrsa xwe li hember kuştina Şêx Şehûd nîşan dan û wê wekî yek ji kuştinên etnîkî yên di bin desthilatdariya Ebû Mihemed El Colanî de bi nav kirin û şermezar kirin. 

Şêx Şehûd dema ku ji baxçeyên taxa El We'rê vedigeriya, rasterast kete ber guleyan û di cih de şehîd bû.