Otobûsekî artêşa Sûriyê li paytext Şamê bû armanca teqînekî û kuştî hene.

Îro 04.08.2021ê Rewangeha Mafê Mirovan a Sûriyê ragehand; Otobûsek li navçeya Mesakîn Heres li sînorê navçeya Dummer a li rojavayê Şamê hatiye teqandin.

Otobûsa ku leşkerên Sûriyê vedugehst, piştî teqînê şewat tê de derket û li gor heman çavkaniyê ji ber wê teqînê 4 leşkeran jiyana xwe ji dest dane.

Ajansa fermî ya nûçeyan a Sûriyê jî ragehand, ji ber wê teqîn û şewata otobûsê birîndar çêbûne û hejmara birîndaran jî aşkera nekir.

Lê belê hin çavkaniyan jimara kuştiyên ji ber vê bûyerê 19 kes ragihandine.

Heta naha ti aliyekî teqîn negirtiye serxwe û sedemê teqînê jî aşkera nebû.