Fermandarê Giştî yê Hêzên Sûriya Demokratîk (HSD) Mezlûm Kobanî(Mezlûm Ebdî), ragihand ku Serokomarê Tirkiyê Receb Teyib Erdogan piştgiriyê dide DAIŞê û got: “Erdogan Îslamê ji bo berjewendiyên xwe yên şexsî bi kar tîne.” Kobanî herwiha îdia kir ku Serokomarê Fransayê alîkariya misiliman kiriye û ew ji DAIŞê parastine.

Fermandarê Giştî HSDê Mezlûm Kobanî li ser hesabê xwe yê twitterê li ser nakokiyên di navbera Macron û Erdogan de daxuyaniyek da.

Mezlûm Kobanî îdia kir ku Macron piştevanê misilmana bûye û got: “Serokomarê Fransayê Emmanuel Macron di parastina misilmanan ji destê DAIŞê de hevkar bûye û roleke sereke di têkbirina rêxistin û parastina nirxên mirovahiyê de hebû.”

Kobanî herwiha Erdogan weke piştevanê DAIŞê pênase kir û got: “Nêrîna Erdogan ku piştevaniya DAIŞê dike, ne nêrîna misilmanên cîhanê ye û ne di berjewendiyên wan de ye, lê ew ola îslamiyetê ji bo berjewendiyên xwe yên takekesî bikar tîne.”