Girtiyên DAIŞ'ê hewl dan ji Girtîgeha Hesekê birevin. Berdevkê HSD’ê (QSD) Kîno Gabrîel diyar kir ku wan li Girtîgeha Hesekê pêşiya reva çeteyên DAÎŞ’ê girtine û rewşa li girtîgehê di bin kontrola wan de ye.

Li gorî rapora Ajansa nûçeyan a Mezopotamyayê, Girtiyên DAIŞ'ê yên li Girtîgeha Hesekê girtî ne, hewl dan birevin. Berdevkê QSD’ê Kîno Gabrîel diyar kir ku wan li Girtîgeha Hesekê pêşiya reva 5 hezar çeteyên DAÎŞ’ê girtine.

Gabrîel derbarê bûyerê daxuyaniyek weşand û got: “Duh bi şev di mezintirîn girtîgeha endamên çeteyên DAIŞ`ê li parêzgeha Hesekê îsyanek berfireh ji hêla çeteyên girtî ve çêbû.

Çeteyan deriyên qawîş û korîdoran rakirin û girtîgeh bi temamî kete bin kontrola wan. Ji ber wê Hêzên Taybet û ANTÎ-Terorê mudexele kirin. Piştî îsyana ku rojek tam dirêj kiribû, danûstandinên hevpar di navbera nûnerên hêzên me û hêzên Koalîsyonê de ji aliyekî ve û endamên çeteyên girtî ji aliyekî din ve pêk hatin. Em bawer dikin ku Hêzên Koalîsyona Navneteweyî ya têkoşîna li dijî DAIŞ`ê di warê dîtina çareseriyekê ji dosyaya çeteyên DAIŞ`ê yên girtî de berpirsyariyên wan hebin. Desteka pêwîst ji bo girtina tedbîrên ewlehî mezintir û pêşxistina rewşa girtiyan pêşkêşbike."