Federasyona Gaziyên Şer ên Bakur û Rojhilatê Sûriyê 1’ê Gulanê pîroz kir û got: "1’ê Gulanê roja rizgarkirina keda mirovahiyê ji koletî û talankirinê ye û bûye nirxekî mirovî ku di oxira wê de berdêlên giran hatine danyîn."

Li gorî rapora Hawar Newsê, Federasyona Gaziyên Şer ên Bakur û Rojhilatê Sûriyê bi boneya 1’ê Gulanê daxuyaniyeke nivîskî weşand.

Di daxuyaniyê de hatin gotin:

"Dîroka mirovahiyê bi xwîn û keda kerker û kedkaran ên têkoşiyan û hê jî têdikoşin tijî û dagirtî ye. Ji ber vê yekê rizgarkirina keda mirovahiyê ji koletî û tanakirinê dozên herî girîng ên di dîroka mirovahiyê de ne. Armanca têkoşînê ew e ku bighêje nirxên mirovî û exlaqî yên ku mirov di oxira wê de şehîd bû û berdêlên giranbuha dan.

1’ê Gulanê sembola vê têkoşînê ye û rêzdariya ji têkoşerên wê re ye. 1’ê Gulanê bûye nirxekî mirovî û civakî ji azadî, edalet , wekhevî û aştiyê.

Ji ber belavbûna Koronavîrusê li cîhanê ku li ser tevahî mirovahiyê xeter e em îsal vê cejnê di nava mercên zehemet de pêşwazî dikin.

Em hemû jinên kedkar ên Bakur û Rojhilatê Sûriye yên ku bi têkoşîna xwe di qadên leşkerî, çandî, ragihandin û şerê li hemberî terorê de civaka exlaqî ava kirin, silav dikin.

Em hêvî dikin ku 1’ê Gulanê bibe bidawîbûna pandemiya Koronavîrusê li tevahiya cîhanê û ev cejn bibe cejna rizgarkirina ji dijnimatiya ku li ser gelê me yên Bakur û Rojhilatê Sûriyê bi hemû pêkhateyên wê tê meşandin.Bi vê wesîleyê em hemû karkerên di Rêveberiya Xweser de kar dikin û tevahî gelên Bakur û Rojhilatê Sûriyê, gel û karkerên ji bo azadiyê xwe dixebitin pîroz dikin."