Berdevkê YPG’ê Nûrî Mehmûd daxuyand ku hinek derdor bêyî ku mijar were ronîkirin ji teqîna duh a li navenda Efrînê YPG’ê berpirs digirin lê tu eleqeya wan bi wê bûyerê tune ye û tawanbarî dûrî rastiyê ne.

Li gorî rapora ajansa nûçeyan a Mezopotamyayê, Berdevkê fermî yê Yekîneyên Parastina Gel (YPG) Nûrî Mehmûd li ser malpera fermî ya YPG’ê têkildarî teqîna duh a li navenda Efrînê daxuyaniyek weşand.Mehmûd, diyar kir ku tu eleqeya wan û teqînê bi hev tune û got:

“Di roja 28-04-2020 de (duh) teqînek bi rêya seyareyeke sotemenî lê barkirî li bajarê Efrînê rû da. Hinek derdoran bêyî ku mijar were teqezkirin, bi awayekî lezgîn YPG ji vê bûyerê berpirsyar zanîn. Ev tohmet û tawanbarî dûrî rastiyê ne, tu têkiliyê me bi vê bûyerê ve nîn e.”