Wekîlê Dayimî yê NY li NY pêgirî ser pêwîstîya rakirina boykotên aborî yên yekalî yên welatên rojavayî dijî Sûrîyê nemaze piştî belavbûna vîrûsa Koronayê li cîhanê kir.

Ajansa Nûçan a Fermî ya Hikûmeta Sûrîyê (SANA NEWS) ragihand: Bişar Ceiferî Wekîlê Sûrîyê li NY di civîna Civata Giştî ya NY de ku bi rêka vîdyokonfiransê hat lidarxsitinê, dîyar kir ku Sûrîye bi hegera dûhatên aborî û civakî yên ji ber şerê dijî têrorîstan ku zêde ji 9 salan e didome, ketîye rewşeke taybet û awarte da ku di vî halî da hin welatan boykotên aborî û yekalî yên zalimane ser gelê Sûrîyê de sepandine, bi vî awayî wan boykotana bandoreke rasterast li pişkên xizmetguzarî û aborî û ticareta navxweyî û derveyî yên Sûrîyê kirin.

Ceiferî herwiha got: Baykotên welatên rojavayî pêşîya kontrolkirina Koronayê li Sûrîyê digirin û xala bingehîn a hevgirtin û hevkarîya komkî jibo sekinîna himberî Koronayê ku NY her roj jibo berçavgirtina wê bang dike, ji nav dibe.

Wî herwiha got: Welatên ku hela jî pêkutîyê ser sepandina boykotan wek cureke cezakirinê dikin, hê bersiveke ciddî himberî hewildanên welatên zîyanlêketî yên ji ber boykotan û daxwazên NY nedane.