Li nava bajarê Efrînê yê bakurê Sûriyê tankereke sotemeniyê hat teqandin.

Jêderekî ji bajarê Efrînê ragihand, li taxa Eşrefiyê îro danê sibe di saet 08:00 da bomebeyek di tankereke sotemeniyê de hatibû bicihkirin, teqiya.

Li gor zanyariyên destpêkê, ji ber teqînê agirekî mezin jî li nava wê taxê belav bû, lê ziyanên canî nebûne û ziyan tenê madî bûn. 

Ji dema dagîrkirina Efrînê ji aliyê artêşa Tirkiyê û komên girêdayî bi Enqerê va di 18ê Adara 2018an de, rewşa ewlehiyê bi yekcarî têk çûye û bi awayekî berdewam teqîn li Efrînê rû didin û welatiyên sivîl dibin qurbanî.