Li Bakur û Rojhilatê Sûriyê 73 kesên din bi koronayê ketin
Desteya Tenduristiyê ya Desthilata Bakur û Rojhilatê Sûriyê ragihand ku 73 kesên din bi şewba koronayê (Covid-19) ketine û 4 kesan jî ji ber koronayê jiyana xwe ji dest daye.
Hevserokê DesteyaTenduristiyê ya Desthilata Bakur û Rojhilatê Sûriyê Dr. Ciwan Mistefa diyar kir ku kesên ku bi koroneyê jiyana xwe ji dest daye, 3 mêr ji Qamişloyê ne û yek ji Dêrazorê ye.
Mistefa destnîşan kir ku li herêmên Bakur û Rojhilatê Sûriyê 73 kesên din bi koronayê ketine, ji wan 37 mêr in û 36 jin in û li van herêman in:
Hesekê: 24
Qamişlo: 31
Dêrik: 12
Dirbêsiyê: 2
Dêrazor: 4
Her wiha Mistefa diyar kir ku kesekî ku bi koronayê ketibû, baş bûye.
Li herêmên Bakur û Rojhilatê Sûriyê bi van daneyên nû hejmara pêketiyên koronayê gihaşt 10 hezar û 404 kesan, ji wan 389 kes mirine û hezar û 327 kes jî baş bûne
