Wezareta Tenduristîyê ya Libnanê ragihand ku di encama êrişên duh û şeva buhurî yên Rejîma Sîyonîst ser navçeyên curbicur ên wî welatî da 147 kes hatin şehîdkirin û birîndarkirin.

Wezareta Tenduristîyê ya Libnanê ragihand ku di encama êrişa Rejîma Sîyonîst ser bajarokê Eyn Delbê da li başûra wî welatî, 45 kes hatin şehîdkirin û 70 kes jî hatin birîndarkirin.Li gorî daxûyanîya Wezareta Tenduristîyê ya Libnanê, di encama êrişa Rejîma Sîyonîst ser navçeya Hermel li rojhilata wî welatî da jî 12 kes hatin şehîdkirin û 20 kes jî birîndar bûn.Ev di halekî da ye ku blafirên cengê yên Rejîma Sîyonîst îro jî êrişî bajarên Yaron, Şehabîye û Kefra li başûra Libnanê kirin. Artêşa Rejîma Sîyonîst jî hinek navçeyên şarê Sûr`ê da ber topan û navçeyên Xeyyam û Wazanî li başûra Libnanê jî bûn armanca êrişa bi xwofirrê.Ajansa Nûçeyan a Fermî ya hikûmeta Libnanê jî ragihand ku balfairên cengê yên Rejîma Sîyonîst êrişî Kefer Tebnît, Dêr Zehranî û navçeya di navbera Ereb Selîm û Hebûşê kirin.Rejîma Sîyonîst herwiha bi awayekî hovane êrişî herêmên Şemster, Nebî Şêys û Nebî Osman li gelîyê Buqayê kir.