Qubad Talebanî peyameke pîrozbahiyê ji Mistefa Kazimî re şand.

Li gorî rapora PUK Media'yê, Bi boneya wergirtina erkê serokwezîrtiya nû ya Iraqê, cîgirê serokwezîrê Herêma Kurdistanê Qubad Talebanî germtirîn pîrozbahî li Mistefa Kazimî kir.

Ev jî naveroka peyama Talebanî ye;

Ez pîrozbahiyê li serokwezîr Mistefa Kazimî dikim bi wergirtina posta serokwezîrê nû yê Iraqê ku ji aliyê Encûmena Nûnreran a Iraqê ve bawerî bi dest anîye.

Em bi hêvî ne ku ew li ser bingeha destura bingehîn a Iraqê kar bike û hikûmraniyê birêve bibe.

Em tekez dikin ku emê bi hev re hemû alozî û kêşeyên di navbera Herêma Kurdistanê û hikûmeta navendî de çareser bikin.