Wezîrê Rewşenbîrîyê yê Herêma Kurdistanê ragihand ku Hikûmeta Herêma Kurdistanê jibo biryardayîna teqil têkildarî guhertinên di miaşan de nêrîna polîtburoyan wergirtîye.

Heme Heme Seîd Wezîrê Rewşenbîrîyê yê Herêma Kurdistanê di daxûyanîyekê de ragihand ku di civîna desteya wezîran de mijara miaş û miaşwergiran hat hilkolandinê û çend rênimayî derbarê sekinîna himberî astengên aborî bi şêwazekî ku kêşe jibo miaşwergiran dernekve, hatin raberkirinê.

Heme Heme Seîd derbarê biryara teqil têkildarî miaşê miaşwergiran de got ku desteya wezîran jibo biryara teqil nêrîna polîtburoyan wergirtîyer û yê paşê planên xwe di vî warî de bicih bîne.

Roja Şemîyê desteya wezîran a Herêma Kurdistanê bi rêya vîdyo-konfiransê civîya û rewşa aborî û bicihanîn çend rêbazan jibo sekinîna himberî vîrûsa Koronayê hilkolandin.

Di wê civînê de, desteya wezîran a Hikûmeta Herêma Kurdistanê dawîn alûgurên têkildarî rewşa tenduristîyê û planên Hikûmetê jibo sekinîna himberî vîrûsa Koronayê, dûhatên wê jibo abora Herêma Kurdistanê û daketina bihaya niftê li bazarên cîhanê hatin hilkolandinê.

Heme Heme Seîd Wezîrê Rewşenbîrîyê yê Herêma Kurdistanê herwiha got: ‘’Sênaryoyên curbicur derbarê guhertinên di miaşê miaşwergiran de hene lê, Hikûmeta Herêma Kurdistanê hîç biryarek di vî warî de nedaye.’’