Serokwezîrê Herêma Kurdistanê Mesrûr Barzanî îro di dewama hevdîtinên digel rayedarên welatên curbicur li rex Konfiransa Ewlehîyê ya Monîxê de bi desteyeke Parlemana Almanyayê, desteyeke Kongira Amerîkayê û Wezîrê Berevanîyê yê Amerîkayê re civîya.

Di civîna digel desteya Parlimana ALmanê de, parlemanterên Almanî amaje bi rola girîng a Herêma Kurdistanê wek faktoreke aramiyê li Iraq û navçeyê kir û pêgirî ser girîngiya berdewambûna hevkarî û rahênan hêza Pêşmerge jibo sekinîna himberî DAIŞê de kirin.

Serokwezîrê Herêma Kurdistanê spasiya Almanyayê ji ber hevkarîya digel Herêma Kurdistanê kir, bi taybet di berfirekirina peywendîyên aborî û jêderên dahatê û girîngzanîna zêdetir a webirhênanê li gor pêwîstiyên Herêma Kurdistanê de.

Serokwezîrê Herêma Kurdistanê Mesrûr Barzanî li bajarê Munchenê herwiha ligel desteyeke Kongira Amerîkayê civîya û di wê civînê de rewşa Iraq û navçeyê hat hilkolandin û desteya Kongra Amerîkayê pêgirî ser piştevaniya xwe ji Herêma Kurdistanê kir û amaje bi wê da, ku Herêma Kurdistanê hevpeymaniyeke girîng a Amerîkayê li navçeyê ye.

Serokwezîrê Herêma Kurdistanê spasiya Amerîkayê ji ber piştevanîyê kir û got, Herêma Kurdistanê yê rêya xwe ya wek faktoreke girîng a pêkhatina aştî û ewlehiyê li navçeyê bidomîne. 

Serokwezîrê Herêma Kurdistanê Mesrûr Barzanî piştî civîna bi Wezîrê Berevaniyê yê Amerîka Mark Esper re li Munchenê ragihand, Pêwendiya bihêz a Hewlêr û Washingtonê bo parastina navçeyê girîng e.

Serokwezîrê Herêma Kurdistanê Mesrûr Barzanî bi Wezîrê Berevanîyê yê Amerîkayê Mark Esper re jî civîya û piştî wê civînê li Twitterê nivîsî: “Di civîna bi Wezîrê Berevaniyê yê Amerîka Mark Esper de, me tekez kir, pêwendiya bihêz a di navbera Herêma Kurdistanê û Amerîkayê de bo parastina Herêma Kurdistanê, Iraq û navçeyê girîng e.”