Wezîrê Plandarêştinê yê Hikûmeta Herêma Kurdistana Iraqê ragihand ku Herêma Kurdistanê amade ye û pêşwazîyê li serjimêrîyê dike bi wî mercî ku Hikûmeta Iraqê hevkar û hevdeng be taybetî di warê asayîkirina rewşa deverên kêşeliser.

Dara Reşîd Wezîrê Plandarêştinê yê Hikûmeta Herêma Kurdistana Iraqê di civîna digel desteyeke pillebilind a iraqî ya têkildarî serjimêrîyê û Nunerê Sindoqa Geşepêdanê ya NY de ragihand: Herêma Kurdistanê amade ye û pêşwazîyê li serjimêrîyê dike bi wî mercî ku Hikûmeta Iraqê hevkar û hevdeng be taybetî di warê asayîkirina rewşa deverên kêşeliser û bikaranîna mêkanîzman jibo serxistina vê proseyê.

Dara Reşîd herwiha got: Divê NY û sazîyên cîhanî rola xwe ya bibandor jibo serxistina vê proseyê bilîzin.

Pişikdarên wê civînê herwiha derbarê dabînkirina bûce û pêdivîyan û çawanîya lidarxistina serjimêrîyê de gotûbêj kirin.