Navenda Hêzên Asayişê ya ser bi Yekitiya Niştmanî ya Kurdistana Iraqê (YNK) ragihand, kesên hefteya buhurî êrişî hêzên Asayişê li başûra Herêma Kurdistanê kiribûn, hatin girtinê.

Ligorî rapora Malpera SNN`ê, kesên ku hefteya buhurî li gundê Kolecoyê li devera Germîyanê êrişî Hêzên Asayişê kiribûn û di encamê de 4 kes kuştibûn û 8 kes jî birîndar kiribûn, ji hêla Hêzên Dijetêrorê yên YNK`ê va hatin girtinê.

Malpera SNN`ê wêneyên 3 kesan belav kirin û ew wekî tawanbarê êrişa ser Hêzên Asayişê dan nasandinê û ragihand ku bi zûtirkê dê hûrgilîyên girtina wan kesana ragihîne.

Ligorî vê raporê opêrasyona lêgerîn û naskirina sebebkar û êrişkerên din ên pişkdarê wê êrişê didome.