Serokwezîrê Iraqê ji berfirehkirina hevkariya bi Herêma Kurdistana vî welatî bona çareserkirina pirsgirêkên xelkê û parastina yekitiya neteweyî ya Iraqê pêşewazî kir.

 Li gorî rapora Telewîzyona Someriye News`ê, Adil Ebdulmehdî, serokwezîrê Iraqê roja Sêşemiyê li hevdîtina Mesrûr Barzanî serokwezîrê Herêmz Kurdistana vî welatî li Bexdayê got: "Iraq amadeyî hevkariya bi Herêma Kurdistana  vî welatî li gor qanûna bingehîn e".

  Barzanî jî bal kişand  ser hez û meyla xwe bo sefera Bexdayê wek yekim menzîla  piştî wergirtina posta serokezîrtiyê  û teqez kir: Hewlêr bona kiryara hevpar û hevkarî û xurtkirina  peywendiyên  erênî bi dewleta navendî û çareserkirina hemî pirsgirêkên heyî li gor qanûna bingehîn amade ye.

  Berhem Salih, serokkomarê Iraqê jî li vê hevdîtinê bi serokwezîrê Herêma Kurdistana Iraqê re , bal kişand  ser girinîgiya gotûbêja bona çareserkirina pirsgirêkan û parastina Yekitiya neteweyî û got ku piştrast e Herêma Kurdistana Iraqê dê bikaribe pirsgirêkên xelkê vê navçê çareser bike.

 Parlemana  Herêma Kurdistanê meha derbasbûyî bi pirraniya dengan, Mesrûr Barzanî, şêwirmendê konseya  ewlehiyê ya vê herêmê wek serokwezîrê nû yê Herêma  Kurdistana Iraqê kivş kir.

 Barzanî 11ê Tîrmehê wek serokwezîr ji parlemana   Herêma Kurdistanê dengê pêbaweriyê wergirt.