Serokê Partîya Dêmokirat a Kurdistanê (PDK) Mesûd Barzanî û siyasetmedarê Kurd Osman Baydemîr hevdîtinek pek anîn û di wê hevdîtinê de herdu aliya dawîn pêşhatên siyasî yên herêmê hilkolandin.

Mesûd Barzanî Serokê PDK îro li navçeya Pîrman a Hewlêrê pêşwazî li parlamenterê berê yê Partiya Demokratîk a Gelan (HDP) ê Rihayê Osman Baydemîr kir.

Li gor daxuyaniya Ofîsa Ragihandinê ya Mesûd Barzanî di hevdîtinê de Barzanî û Baydemîr liser rewşa giştî ya navçeyê û dawîn alûgurên siyasî gotûbêj kirin.

Di civînê de herwiha herdu aliyan derbarê rewşa Kurdan de rawêjkarî kirin. 

Barzanî û Baydemir di vê hevdîtinê de pêgirî ser peyama aştiyane ya gelê Kurdistanê û dîyalog û hevdufemkirinê ji bo çareseriya kêşeyan kirin.

Mijareke din a gotûbêja Barzanî û Baydemîr jî, nêzîkbûna aliyên Kurd û helwesta aştîxwazane ya hevbeş a kurdan bû.