Desteyeke Yekitîya Niştîmanî ya Kurdistanê bi serokatîya Ednan Muftî di merasima şîngêrîya jibo serdar Qasim Silêmanî li şarê Hewlêrê da pişikdar bû û Muftî ragihand ku navçe di qonaxeke metirsîdar re derbas dibe û pêwîst e ku hemî alî ligorî berpirsyarîyê serederîyê bikin.

Ednan Muftî endamê Civata Bilind a Sîyasî ya YNK piştî pişikdarîya di merasima şîngêrîya jibo serdar Qasim Silêmanî li şarê Hewlêrê da li koma nûçegîhahan got ku em hatine ji ber têrora Qasim Silêmanî û birayên din ku di encama karesata diltezîn da canê xwe ji dest dane sersaxîyê bidin û em şirîkê xema kes û xizmên wan kesan û Komara Islamî ya Îranê ne. 

Ednan Muftî herwiha got: Navçe di qonaxeke metirsîdar re derbas dibe û ber bi rewşeke bitaluke va diçe, pêwîst e ku hemî alî ligorî berpirsyarîyê jibo çareserkirina qeyranê serederîyê bikin, jibo ku gelê Iraqê û gelên herêmê pêrgî şer û pevçûnê nebin.