Balafirên cengê yên Artêşa Tirkîyê deverên xelknişîn ên bilindahîyên Kurtekê li Herêma Kurdistanê bi giranî bombebaran kirin.

Balafirên cengê yên Artêşa Tirkîyê vê sibê deverên xelknişîn ên bilindahîyên Kurtekê li Herêma Kurdistanê bi giranî bombebaran kirin.

Deverên xelknişîn ên bilindahîyên Kurtekê li bintara Qendîlê bi giranî ketine ber wê bombebaranê. Ew bombebarana bi 3 balafirên cengê pêk hatîye.

Hela derbarê xisar û zirarên ihtimalî yên wê êrişê de tu raporek belav nebûye.

Di encama êrişên hewayî yên Tirkîyê ser deverên sînorê yên herêma Kurdistanê bi heceta êrişa ser PKK`ê de deverên xelknişîn dibin armanc û heta nika bi dehan welatîyên Herêma Kurdistanê canê xwe ji dest dane û birîndar bûne û herwiha zêde ji 450 gund ji ber têkçûna binesazîyên weke rê, dibistan û şebekeyên ceryan û avê hatine valakirinê û xisareke giran li rez, bax û zevîyên xelkê ketine.