Wezîra Berevaniyê ya Almanyayê ragihand ku leşkerên welatê wê dê li Herêma Kurdistanê bimînin û perwerdekirina Hêzên Pêşmerge bidomînin.

Ligorî rapora Kanala Kurdistan24`ê, Wezîra Berevaniyê ya Almanyayê Annegret Kramp-Karrenbauer di civîna çapemenîyê ya digel Wezîrê Hêzên Pêşmerge yê Herêma Kurdistanê Şoreş Ismayîl de got: Alman dê hevkarîya digel Herêma Kurdistanê bidomîne.

Wezîrê Hêzên Pêşmerge yê Herêma Kurdistanê Şoreş Ismayîl jî di wê civîna çapemenîyê de amajeyî gefên DAIŞ`ê kir û got: Têkoşîna dijî koma DAIŞ`ê di pêşerojê de yê dijwartir bibe û ew têkoşîn û şera dê ne li bereyekê be, ji ber ku DAIŞ ketîye her qadekê.

Ligorî gotina Wezîrê Hêzên Pêşmerge yê Herêma Kurdistana Iraqê, Hevalbendîya Navnetewî Dijî DAIŞ`ê jibo seruberkirina Hêzên Pêşmerge dê bi Herêma Kurdistanê re hevkarîyê bike.

Wezîra Berevaniyê ya Almanyayê bi Wezîrê Karên Navxwe yê herêma Kurdistana Iraqê Rêber Ehmed re jî hevdîtin pêk anî û her du alîyan di wê civînê de derbarêmeseleyên dualî de gotûbêj kirin.

Wezîra Berevaniyê ya Almanyayê ku Seroka Partîya Dêmokirat-Kirîstîyan a Almanê jî ye, bi hejmarek çalakên Kurd ên Êzidî re jî hevdîtin pêk anî û çû seredana baregeha Rawêjkarên Leşkerî ya welatê xwe û Hêzên Taybet ên Zêrevanîyê.