Dengê Dadgeha Iraqê ser hilweşandina Parlemana Herêmî giring û dîrokî ye
Seroka Fraksiyona Nifşa Nû li parlemana Iraqê wek berteka li himber dengê Dadgeha Federal derheq neqanûnîbûna dirêjkirina dewreya parlemana Herêma Kurdistanê, ev deng giring û dîrokî nirxand.
Sirwe Ebdulwahid di postekê di rûpela xwe ya di twîterê de xitabî rayedarên Herêma Kurdistanê nivîsî: Em niha zengila xeterê lêdixin û karta sor nîşanî we didin.
Wê her wiha nivîsî: Ez sipasiya Dadgeha Federal dikin ji ber bêalîbûna wê. Em bûn şehedê dayîna dengeke giring û dîrokî bo bêhitbarkirina dirêjkirina dewreya parlemana Kurdistanê û îbtalkirina hemî biryarên vê parlemanê. Ev şera ku em têde serketî bûn, ji babet wêrektiya partiyeke siyasî dijî pergala serdest li Herêma Kurdistanê bona sererastkirina demajoya hakimiyetê yekim pêngav tê hesabê.
Omêd Muhemed, nunerekî din ê Nifşa Nû( Cîla nû) jî tevî ragihandina vê yekê ku yê tu qaweteke nekaribe li himber dayîna hikmê Dadgeha Federal dijberiyê bike û got: Xebata parlemana Herêma kurdistanê heft caran hatiye dirêjkirin lê vê carê tevgera Cîla Nû pêşiya cihanîna kiryara neqanûnî ya du partiyên Yekitiya Niştimanî ya Kurdistanê û Partiya democrat a Kurdistanê girt û hikmê dadgeha Federal a Iraqê hat îbtalkirin ku li derazînka parleman û Hikûmeta Herêma Kurdistanê were helawîstin û dê tu partî û aliyek nekaribe dijî vê hikmê rabin ji ber ku ev dadgeh qanûnê şirove dike.
Ji aliyê din ve, Wefa Muhemed Kerîm, Endamê partiya demokrat a Kurdistana Iraqê wek berteka li himber dengê dadgeha Federal a Iraqê derheq neqanûnîbûna dirêjkirina dewreya parlemana Herêma kurdistanê ev deng dijî qanûna bingehîn a Iraqê da zanîn.
Wefa Muhemed Kerîm got: Me dayîna vê hikmê pêşbînî dikir ji ber ku piştî paşdeketina hilbijartinên parlemana Kurdistanê ku biryar bû Mijdara 2022`an were lidarxistin, hewildanên ku YNK û Tevgera Gorranê bo çêkirina berbeban ser riya demajoya demokasiyê li Herêma Kurdistanê cih hatin.
Wî her wiha got: Parlemana Kurdistanê di halê lawazbûnê de bû û civînên zav nedihatin lidarxistin û heta dawîn civîna wê rastî şer û pevçûnê hat.
Wî partiyên ku daxwaza paşdexistina hilbijartinên parlemanê li herêmê bûn, berpirsê dayîna dengê vê dawiyê ya dadgeha federal a Iraqê nakokiyên partiyên Kurdistana Iraqê da zanîn. Mijara giring derbarê dayîna vî dengê dadgeha federal a Iraqê, eşekeretirbûna bêtifaqiyên partiyên Herêma Kurdistana Iraqê ye, nakokiyên ku goriyên wê yên sereke xelkê Herêma Kurdistana Iraqê ne.
