Serokomar û Serokê Civata Bilind a Dadwerî ya Iraqê tekezî li ser girîngiya bi hûrî û bêyî ku pişta aliyekê were girtin giliyên hilbijartinan bên hilkolandin û bersivdan bi awayekî ku baweriya bi proseya hilbijartinan zêde bibe.

Li gorî rapora malpera Sumerian News`ê, Berhem Salih serokkomarê Iraqê roja sêşemiyê li hevdîtina tev Faîq Zîdan serokê Civata bilind a dadweriyê li bara giringiya parastina pirosesa demokrasiyê û çarçoweya destûrî ji bo rûbirûbûna gilî û gazindên xelkê û hilbijartinan sekinî.

Her du alî tekez li ser giringiya bihêzkirina yekitî û hevgirtin û diyaloga niştimanî ji bo lêkolîna bûyerên girîng ên neteweyî û berî her tiştî pêkanîna hikûmeteke bikêrhatî ku berjiwendiyên bilind ên welat diparêze û xwestekên welat ji bo baştirkirina şert û mercên jiyanê û xizmetguzariyê pêk bîne, tekez kirin.

Piştî ragihandina encamên destpêkê yên hilbijartinên Parlamenta Iraqê, gelek namzed û xelkê li dijî encamên hilbijartinan yên ragihandî ji aliyê Komîsyona Bilind a Hilbijartinan nerazîbûn nîşan dan û daxwaza şefafiyetê di ragihandina encaman de kirin.