Nivîsgeha Adil Ebdulmehdî serokwezîrê Iraqê li daxûyaniyekê raghand ku Cozêf Borêl berpirsê siyaseta derve ya YE îro bi Ebdulmehdî re bi riya telefonî axifî û alûgurên Iraqê û navçê hilkoland.

 Li daxûyaniya nivîsgeha Ebdulmehdî hatiye ku her du alî li vê peywendiya telefonî qeyrana niha  û rêçareyên hevkariyê bo cihhatina agirbesê û girtina  pêşiya her cure aloziyê hilkolandin. 

 Ebdulmehdî teqez kir ku aloziya niha li navçê ser qezanca ewlehî û aramiya navçê nîne û divê bona dûyragirtina navçê û cîhanê ji talûkeyên şêr her karekî bikin. Wî her wiha helwêsta Iraqê li bara derketina hêzên biyanî ji vî welatî û hewldanên dewletê bona parastina ewlehî û aramiya welêt û hakimiyeta neteweyî ya wê teqez kir. 

Berpirsê siyaseta derve ya YE jî li bara xeterên rewşa niha hişyarî da û ser pêwîstiya jinavbirina aloziyê teqez kir. Wî got ku wezîrên derve yên YE dê bi zûtirkê li Brukselê civîna awarte bona hilkolandina rewşa Iraqê li dar xînin û têde dê daxûyaniyeka hevpar li bara teqezkirina ser yekperçetî û serweriya Iraqê bidin.