Parlamentoya Iraqê li ser projeya-yasaya ku “derxistina hêzên biyanî ji Iraqê” lixwe digire biryar da. Civîna Parlamentoyê bi beşdariya 170 parlementeran dest pê kir û proje-yasaya derxistina hêzên Amerîkayê ji Iraqê hat pesendkirin.

Parlementoya Iraqê li ser kuştina Qasim Sulêymanî û Ebû Mehdî Mihendis û “derxistina hêzên Amerîkayê ji Iraqê” cîvneke awarte lidar xist.

Fraksiyonên Kurdistanî û parlamenterên Sunne di wê civînê de beşdar nebûn.

Parlamenterên ku bo civînê kom bûn, zêdetir ser bi fraksiyona Bina, fraksiyonên Şîe ve ne.

Di parlementoyê de dirûşmên li dijî Amerîkayê hatin dayîn.

Ji hêla din ve, Wezareta Karên Derve ya Iraqê Balyozê Amerîkayê ban kir û kiryara Waşîngtonê ya têrora Fermandeyê Hêza Quds a Sipaha Pasdarên Inqilaba Islamî ya Îranê şermezar kir û ew yeka binpêkirina serwerîya Iraqê wesif kir.