Berdevkê Wezareta Cereyanê ya Iraqê duh ragihand ku Bexda tevî biryara vê dawiyê ya dewleta Donald Trump derheq dubarenekirina Lêborîna Kirîna Nift û gazê ji Îranê, wê kirîna gazê ji Îranê berdewam bike.

Li gor IRNA, Berdevkê Wezareta Cereyanê ya Iraqê Museib El-Muderis desnîşan kir ku Iraqê ti alternatîvek ji bo kirîna gaza Îranê tine û got: Bexda niha rojê derdora 28 milyon kûp gazê ji Îranê dikire ku ev gaza ji bo karistanên Iraqê yên cereyanê bona berhemanîna 2800 MW elekterîkê pêwîst e.

El-Muderis got: Iraqê hêvîdar e li mehên pêşber rojê 35 milyon kûp gazê ji Îranê bikire da ku brthemanîna cereyana xwe bigihîne 3500 Mega Watan.

Iraqê parek mezin ji enerjiya xwe ya wekî cereyan û gazê ji Îranê dikire.

Dewleta Amerîkayê roja duşemê cardin dijminatiya xwe li hemberî Komara Îslamî ya Îranê eyan kir û ragihand ku êdî lêborîna kirîna niftê ji Îranê bo heşt welatên ku ji vê lêborînê îstifade dikirin, dubare nake.