Yekem civîna parlimanên 6 welatên cînarê Iraqê ser navê `` Iraq, istiqrar û pêşketin`` li Bexdayê destpê bû.

Yekem civîna parlimanên 6 welatên cînarê Iraqê îro ser navê `` Iraq, istiqrar û pêşketin`` li avahîya Parlimana vî welatî bi serokatîya Serokê Parlimana Iraqê Mihemed Helbûsî li Bexdayê destpê bû.

Ligorî rapora Ajansa Nûçan a Wai`ê, desteyên parlimanî yên Erebistan, Tirkîye, Îran, Kuweyt, Urdin û Sûrîyê bi serokatîya Serokpoarliman an rayedarên pillebilind ên wan welatana di wê civînê de pişkdar bûne.

Çavdêrên meseleyên sîyasî li Iraqê, civîna 6 welatên cînarê Iraqê li Bexdayê yek ji bûyerên herîgirîng ên dîplomatîk di dewrana piştî DAIŞ`ê li Iraqê de û wekî nîşaneyeke derbasbûna vî welatî nav qonaxa sîyasî û navnetewî ya nû dizanin.

Komîsyona Peywendîyên Derve ya Parlimana Iraqê jî ``ewlehîya Iraqê û welatên cînar``, tivdîr  û pêngavên nû yên herêmî bi merema biryardayînên girîng jibo avakirina devereke ewleh di qonaxa bê de`` û ``hilkolandina hevkarîyên aborî û sîyasî yên welatên pişkdarê civînê`` sê mêhwerên sereke zanîn ku yê di vê civînê de bên hilkolandin.

Serokê Meclisa Şêwra Islamî ya Îranê Elî Larîcanî di civîna 6 welatên cînarê Iraqê de pişkdar nebûye û Elaedîn Birûcêrdî digel desteyeke pillebilind dewsa wî di vê civînê de pişkdar bûye.