Êrişa hewayî ya artêşa Iraqê ser pêgehên terorîstên DAIŞ`ê li Kerkûkê
Firokên şêr yên artêşa Iraqê paşmayiya pêgehên terorîstên DAIŞ`ê li parêzgeha Kerkûkê li bakûra vî welatî kirine hedefa êrişên xwe.
Li gor rapora ajansa nûçan a Fars Newsê, ji zarê telivîzyona El-Meyadîn, Firokên şêr yên artêşa Iraqê paşmayiya pêgehên terorîstên DAIŞ`ê li parêzgeha Kerkûkê li bakûra vî welatî kirine hedefa êrişên xwe û çend tonêl, veşartgeh û kempekî terorîstên DAIŞ`ê jinav birin.
Terorîstên DAIŞ`ê li vê pêgehê xwe bona êrişa ser riya Kerkûk Bexdayê amade dikirine.
Hêzên ewlehiya Iraqê vê dûmahîkê operasiyonekî berfireh li parêzgehên Kerkûk û Diyalê dijî paşmayiyên terorîstên DAIŞ`ê destpê kirine.
Ev operasiyona wê çaxê destpê bû ku terorîstên DAIş`ê hinek ji hêzên ewlehiya Iraqê li ser riya Kerkûk Bexdayê rehîn girtibûn û paşê jî ewna kuştibûn.
Qumandê operasiyona hevpar a Iraqê hefteya bihurî ragihand ku 143 gundên derûdora Kerkûkê ji destê terorîstên DAIŞ`ê hatine azadkirin.
