Artêşa Iraqê ji operasyona dijî terorîstan bi destê hêzên vî welatî li rojhilata bajarê Mûsilê li bakûra vî welatî agahî da.

Li gorî rapora Ajansa nûçeyan a MEHR`ê, Artêşa Iraqê, îro sêşemiyê ragihand: Operasyona dijî terorîstan a hêzên iraqî li mêhwera rojhilatî ya bajarê Mûsilê li parêzgeha Neynewayê cih hatiye û di encama vê operasyonê de endamekî tekfîrî yê DAIŞ`ê hate girtin.

Eva li halekê ye ku di van rojên buhurî de hêzên iraqî karîn hejmarek endamên mayî yên DAIŞ`ê li navçeyên curbicur ên Mûsilê binasin û wan bigirin.

Di eynî demê de Baqir Ceber El Zubeydî, wezîrê avakirina rê û tranzîta Iraqê, li ser liv û tevgerên DAIŞ`ê ji bo bicihbûna li derdora Kerkûk û Samêrayê û êrişa ser Bexdayê hişyarî da û got: Ev alûgor bi piştevaniya van kesan pêk tên ku ji hêla pereyî ve piştgîriyê didin DAIŞ`ê.

El Zubeydî, destnîşan kir: Terorîstên DAIŞ`ê rewşa siyasî ya Iraqê bi awyekî narewa bi kar tînin û bi şev û roj dixebitin ku endamên xwe ji rojhilata Firatê li Sûriyê veguhêzin navçeyên nêzîkî Samêra û Kerkûkê ta ku êrişî Bexdayê bikin.