Sekreterê giştî yê NY êrişên terorîstî yên dudukî li Bexdayê şermezar kir û bi malbatên qurbaniyên bûyerê hevderdî kir.

 Li gorî rapora nûçegîhanê IRNA`yê, Îstifan Docarîk berdevkê sekreterê giştî yê NY roja duşemiyê bi weşandina daxûyaniyekê diyar kir: ``Sekreterê giştî destnîşan dike ku NY  bi hewldana  ji bo rawestana li ber terorîzmê û avedakirina welêt tim di kêleka  dewlet û gelê Iraqê rawestaye``.

 Li gorî amarên  hatî weşandin a wezareta karên hundir a Iraqê li encama  teqîna dudukî ya terorîstî li meydana  Teyranê li navça Baba Rojhilat li navenda Bexadyê, 16 kes hatin kuştin û 65 kesên din jî birîndar bûn ku li nav goriyan hejmarek ji hêzên polîs hene.

 Pêştir jî roja şemiya buhurî li meydana  Edenê li navça Kazimînê li bakurê Bexdayê êrişeke xwekujiyê qewimî ku hejmarek ji welatiyan hatin kuştin  an birîndar bûn.

 Li gorî rapora çavkaniyên  ewlehiyê yên  Iraqê, kesê ku  bi êlega teqînê li meydana Edenê êrişa întiharî cih anî, nûciwanekî xelkê Tarmiyê li bakurê Bexdayê bûye.