Sekreterê giştî yê tevgera Berxwedana Îslamî ya Nucebayê û wezîrê karên hundir ê Iraqê li hevdîtinekê ser hin dosiyên têkildarê ewlehiya neteweyî û prespektîva siyasî ya pêşberî vî welatî şêwirîn.

 Li gorî rapora îro çarşemê ya nivîsgeha tevgera  Berxwedana  Îslamî ya Nucebayê li Îranê, Qasim  El-Ercî wezîrê karên  Hundir ê Iraqê bi hizûra li meqera navendî ya Berxwedana  Îslamî ya Nucebayê li Bexdayê tev Hucetulîslam welmuslimîn  Ekrem El-Kebî sekreterê giştî yê vê tevgerê hevdîtin û gotûbêj kir: Her du alî li vê hevdîtinê bi hevaltî li bara hin dosiyên têkildarê ewlehiya neteweyî û prespektîva  siyasî ya pêşberî Iraqê şêwirîn. 

Sekreterê giştî yê Berxwedana  Îslamî ya Nucebayê li vê hevdîtinê wezîrê karên hundir ê Iraqê xatircem kir ku dewlet tim dikare  li şerê li dijî terorîzmê, pişta xwe bi hevkariya têkoşerên berxwedana Îslamî ve girêde.

 El-Kebî tevî spasiya ji hewldanên Wezareta karên Hundir a Iraqê ji bo dabînkirina ewlehiya  welatiyên vî welatî,  ser pêwîstiya paqijkirina tam a Iraqê ji şerrê terorîzma tekfîrî sekinî. Wezîrê karên hundir ê Iraqê jî pesna rola  têkoşerên  berxwedana Îslamî ya Nucebayê ji bo berevaniya ji  welêt,  nirxên pîroz û derxistina  terorîstên DAIŞê da.