Serokê parlimana Iraqê li ser pêwîstiya xurtkirina yekîtiya neteweyî li vî welatî ji bo sekinîna li hemberî pirsgirêkan pêgirî kir.

Li gorî rapora IRIB News`ê, Serokê parlimana Iraqê, Selîm Cibûrî êvara Duşemiyê bal kişande ser serketina vî welatî li sekinîna li hemberî komên têrorîst û got: ``Gel, berpirs û komên siyasî li Iraqê divê bi xurtkirina yekîtiyê rê li ber zêdegavî û têrorîsmê bigirin``.

Serokê parlimana Iraqê got: ``Ji bo derbaskirina pirsgirêkên siyasî û aborî jî em hewcedarê nêrîna yekparçe ne; Ji ber vê yekê em gihîştine qonaxeka nû ku dijwariyên wê dê kêmtir ji qonaxên pêşîn nebin``.

Wî got: ``Divê em rê nedin ku têrorîsm, zêdegavî û frirqeşopî vegere welêt - em li bereberê qonaxeka nû bi navê hilbijartinê ne``.

Selîm Cebûrî got: ``Mijara nû li Iraqê ev  e ku hemî alî divê li dû xurtkirina rêxistinên dewletî li gorî qanûnê bin``.

Serokê parlimana Iraqê got: ``Rakirina çekan derveyî çarçova dewletê yek ji wan pirsgirêkan e ku divê em ji bo wê stratijiyeka ron berçav bigirin``.

Cebûrî li bersiva vê pirsê ku pêşeroja pêwendiyên dewleta Iraqê digel Herêma Kurdistana Iraqê piştî lidarxistina Giştpirsînê çawa dinirxînî, got: ``Herêma Kurdistanê beşeka girîng ji Iraqê ye û divê ku kêşe û nakokî bi riya gotûbêja digel vê herêmê bên çareserkirin. Gotûbêj û diyalog wek bingehek ji bo çareserkirina pirsgirêkan li çarçova parastina yekparçetiya axa Iraqê ye``.