Hêzên iraqî operasyonek ji bo ewlehkirina zîvala sînorî tev Sûriyê li rojava Iraqê destpê kirin.

 Li gorî rapora ISNA`yê, û ji zarê Someriye Newsê, çavkaniyeka  eskerî ya Iraqê raghand ku hewldanên  beşa endazyariyê ya artêşa Iraqê jibo ewlehkirina zîvala sînorî ya navbera Iraq û Sûriyê ji bajarê Qaimê li rojava  Iraqê heya bajarê Rebîê li Neynewayê destpê bûye.

 Wî her wiha diyar kir: Li gorî vê raporê, hin navendên  berevaniyê û  hin xendeq tên avakirin û artêş û garda sînorî jî navendên îsta lêgeriyê  bi cih dikin jibo ku  her cure  êrişa DAIŞê ji aliyê Sûriyê ser Iraqê pûç bikin.

 Heyder Ebadî serokwezîrê Iraqê salekê piştî destpêbûna  operasyona  eskerî li Mûsilê li bakurê Iraqê ragahnd ku  hêzên iraqî tam sînorên  Sûriyê û Iraqê xistine bin kontrola xwe û şerê li dijî DAIŞ`ê dawî bûye.

 Ji aliyê din ve, Sed Mein berdevkê Wezareta karên hundir a Iraqê li daxûyaniyekê raghand ku  du endamên DAIŞ`ê li El-Resafê li Bexdayê hatine girtin.

 Wî teqez kir: Piştî jêpirsîna ji van du kesana ,  çek û sîleh û hin bombe hatin keşfkirin.

 Di eynî demê de, wezareta  berevaniyê ya  Emerîkayê( Pêntagon) pîrozbayî li hêzên iraqî piştî serketinên  wan li şerê li dijî DAIŞê kir.