Wezareta koçberîya Iraqê ragihand ku 5 hezar penaxwazên iraqî ji kempekê li Sûrîyê bo başûra parêzgeha Nêynewayê li bakûra Iraqê hatin veguhestin.

Li gorî rapora Fars News`ê, Xalid Evdilkerîm berpirsê wezareta koçberîya Iraqê li parêzgeha Nêynewayê ragihand: Ew penaxwazên iraqî di dawîya sala 2014`an de bi hegera êrişa DAIŞ`ê ji Mûsilê revîn û li kempa Al Holê li parêzgeha Hesekê li bakûra rojhilata Sûrîyê sitirîn ku niha hatine veguhestin û li kempên başûra Nêynewayê hatine bicihkirin.

Evdilkerîm herwiha got: Heta niha penaxwazên iraqî yên niştecihê vê kempa li Sûrîyê 5 doran ji rêka devera sînorî ya Om Zebyanê di bin çavdêrîya hêzên Heşdi Şeibîyê de zivirîne welatê xwe.

Li gorî nûçeyeke din, Hisamedîn Ebar endamê konseya parêzgeha Nêynewayê ragihand: Nêzîkî 1500 jin û zarokên têrorîstên DAIŞ`ê li girtîgeha Tilkêfê li bakûra şarê Mûsilê tên xweyîkirin ku pirranîya wan welatîyên bîyanî ne.